អាមេរិក៖ តាមរយៈការសិក្សាដោយអ្នកជំនាញមកពីសាកលវិទ្យាល័យរដ្ឋ Michigan សហរដ្ឋអាមេរិក បានបញ្ជាក់ថា ត្រីឆ្លាមក្បាលពីរចម្លែកនេះ មិនមែនជាកូនភ្លោះជាប់គ្នាទេ។ លោក Michael Wagner អ្នកជំនាញផ្នែកជីវិតត្រី និងសត្វព្រៃ នៅឯសាកលវិទ្យាល័យ Michigan និងក្រុមការងាររបស់គាត់បានប្រើប្រាស់ឧបករណ៍ MRI ដើម្បីសិក្សាស្រាវជ្រាវត្រីឆ្លាមចម្លែកនេះ។
តាមរយៈការសិក្សាស្រាវជ្រាវនេះ ពួកគេបានរកឃើញថា វាគឺជាត្រីឆ្លាមមួយដែលមានរូបលក្ខណៈពីរដាច់ពីគ្នា។ ការសិក្សាបានឲ្យដឹងទៀតថា ត្រីឆ្លាមនេះវាមានក្បាល ២ បេះដូង២ និង ក្រពះ២ដាច់ដោយឡែកពីគ្នា ប៉ុន្តែវាមានដងខ្លួនតែ១ពីខ្នងដល់កន្លុយ។
ត្រីឆ្លាមក្បាលនេះ ត្រូវបានរកឃើញនៅក្នុងឈូងសមុទ្រ Mexico កាលពីថ្ងៃទី៧ ខែមេសា ឆ្នាំ២០១១។ លោក Wagner បាននិយាយថា "នេះគឺជាការចាប់អារម្មណ៍មួយ និងជាបាតុភូតដ៏កម្រផងដែរ។ វាពិតជាអស្ចារ្យណាស់ នៅពេលដែលយើងបានឃើញករណីចម្លែកនេះ នៅក្នុងប្រវិត្តសាស្ត្រធម្មជាតិនៃពិភពលោក"។ សូមបញ្ជាក់ថា ត្រីឆ្លាមក្បាល២នេះ ដំបូងឡើយត្រូវបានយកទៅកាន់នាយកដ្ឋានវិទ្យាសាស្ត្រ Marine នៃមហាវិទ្យាល័យ Florida Keys Community និងបន្ទាប់មកត្រូវបានបញ្ជូនមកកាន់សាកលវិទ្យាល័យ Michigan ដើម្បីធ្វើការស្រាវជ្រាវបន្ថែម៕
Reference: vorakchun
By: VooShare
Your Visit is Your Help
0 comments:
Post a Comment